Fjölmargt áhugavert verður á sýningunni
Sögusýning opnuð 3. maí
Í tilefni 75 ára afmælis Tónlistarskóla Ísafjarðar verður opnuð sögusýning um blómlega starfsemi skólans. Sýningin verður opnuð miðvikudaginn 3. maí. Við ætlum að byrja á að syngja nokkur vor/sumarlög í Hömrum kl. 17. Samæfingarkakan, döðlukakan eftir uppskrift frú Sigríðar Ragnar verður á boðstólum. Í framhaldinu gefst kostur á að skoða sýninguna á fyrstu hæð skólans.
Í kjölfarið verða svo vortónleikar Lúðrasveitanna, kl. 18, Vorþytur.
Við hvetjum alla velunnara Tónlistarskóla Ísafjarðar til þess að heimsækja okkur, rifja upp gamla tíma og gerast fróðari um sögu skólans í leiðinni. Arnheiður Steinþórsdóttir vann að sýningunni og naut aðstoðar Gunnars Bjarna Guðmundssonar við hönnun og útprentun.