Tónlistarfélagið

Tónlistarfélagið hefur það að markmiði er að efla tónlistarstarfsemi og tónlistaráhuga í Ísafjarðarbæ og eiga samvinnu við tónlistarfólk.
 Helstu verkefni félagsins eru umfangsmikið tónleikahald og húsnæðismál Tónlistarskólans, en félagið á og rekur Tónlistarskóla Ísafjarðar.
 Haldnir eru fernir áskriftartónleikar á hverju starfsári félagsins, en einnig stendur félagið fyrir ýmsum öðrum tónleikum, oft í samvinnu við aðra. Félagið aðstoðar einnig með ýmsum hætti listamenn sem vilja halda tónleika hér vestra á eigin vegum.  
Stofnfundur Tónlistarfélags Ísafjarðar var haldinn 20. maí 1948 að heimili Jónasar Tómassonar, bóksala, organista og tónskálds. Boðaðir voru 12 menn og var félagið lengi 12 manna félag, en er nú öllum opið.

Félagar greiða árgjald, kr. 7.500, sem jafnframt er aðgangseyrir að fernum áskriftartónleikum félagsins sem stendur að auki fyrir fjölda annara tónleika. Félagar fá sendan tölvupóst með upplýsingum um tónleikahald.
Aðalfundur er haldinn árlega og skal boðað til hans með minnst viku fyrirvara.

Í lögum um félagið segir að tilgangur þess sé að efla tónlistarstarfsemi og tónlistaráhuga á Ísafirði, fyrst og fremst, og víðar eftir því sem við verði komið. Einnig að félagið eigi samvinnu við starfandi tónlistarmenn og söngkóra á Ísafirði, vinni að því að jafnan sé völ á sem fjölbreyttastri og fullkomnastri tónlistarkennslu á Ísafirði og haldi uppi almennri tónlistarstarfsemi svo sem með því að fá til bæjarins tónlistarmenn, hljómsveitir og kóra, innlenda sem erlenda, til að halda tónleika og vinna að öðru leyti að almennri tónlistarfræðslu.

Félagsgjald starfsársins 2019/2020 er kr. 7.500 og er aðgangseyrir að fernum áskriftartónleikum innifalinn í félagsgjaldinu.

Þeir sem vilja gerast félagar í Tónlistarfélaginu eru hvattir til að hafa samband við formanninn Steinþór B. Kristjánsson duik@simnet.is

Stjórn félagsins:


Steinþór B. Kristjánsson formaður, meðstjórnendur eru Jóngunnar Biering Margeirsson, Peter Weiss, Sigrún Pálmadóttir og Hildur Elísabet Pétursdóttir.

Peter og Aladár

Peter og Aladár

Peter Máté og Aladár Rácz léku á tveggja flygla tónleikum Tónlistarfélags Ísafjarðar í Hömrum í dag og fóru algerlega á kostum. Áheyrendur fuku annað slagið aftur á bak í sætunum, svo mikill var krafturinn og fingrafimin. Einfaldlega stórkostleg upplifun. Í sambandi...

read more
Jónas Tómasson

Jónas Tómasson

Hinn 13. apríl sl. voru 140 ár liðin frá fæðingardegi Jónasar Tómassonar, en í ár eru 110 ár síðan hann stofnaði Tónlistarskóla Ísafjarðar hinn fyrri, sem talinn er hafa verið fyrsti tónlistarskóli á landinu. Hann var starfræktur í fjögur ár og þar voru námsgreinarnar...

read more