Börn úr elsta árgangi á Leikskólanum Eyrarskjóli komu í heimsókn í Tónlistarskólann, skoðuðu húsnæðið, fengu að hlýða á mismunandi hljóðfæri og tóku lagið í Hömrum með skólastjóranum.
Hamrar fá andlitslyftingu
Í tilefni 75 ára afmælis Tónlistarskólans var ákveðið að hressa upp á Hamra, hinn glæsilega tónleikasal skólans. Búið er að mála salinn, lagfæra lýsingu, setja ný rauð tjöld, pússa parketið og kaupa nýja stóla.
Þeim, sem áhuga hafa á að leigja salinn Hamra, er bent á að hafa samband við skrifstofu skólans í síma 450 8340 eða senda póst á tonis@tonis.is
Æfing fyrir Dag tónlistarskólanna
Matthildur og Lísbet pússuðu og lökkuðu parketið
Á meðan parketið í Hömrum var pússað og lakkað voru flyglarnir færðir út úr salnum. Hörkuöflugir piltar úr tíunda bekk komu og lyftu stóra flyglinum aftur upp á sviðið. Flygillinn vegur rúmlega hálft tonn. Iss, ekki mikið mál sögðu þeir. Unglingarnir í dag mættu oftar fá hrós, því að framtíðin er björt með þetta góða fólk. Þeir gerðu snúðakökunni góð skil. 😀
