Kvæðalaganámskeiðið sem Tónlistarskóli Ísafjarðar hélt í Hömrum sl. laugardag 10.október var vel sótt og heppnaðist ákaflega vel. Þótt fyrirvarinn væri stuttur, þá sóttu 16 þátttakendur námskeiðið og ljóst að áhugi er mikill og vaxandi á þessu forna menningararfi okkar.
Leiðbeinandinn á námskeiðinu dr. Guðrún Ingimundarfóttir var heldur ekki af verri endanum. Hún er tónlistarkennari, tónskáld og tónlistarmannfræðingur og starfar á Siglufirði við tónlistarstarf og -kennslu Hun kennir einmitt kveðskap og kvæðalagasöng við Tónlistarskóla Siglufjarðar og nú starfar þar stór hópur kvæðafólks, sem skemmtir bæði sjálfum sér og öðrum með þessari dásendariðju.
Á námskeiðinu var farið yfir alls kyns kveðskap og einnig æfðir tvísöngvar.
Þátttakendur voru himinlifandi með námskeiðið og virðist mikill áhugi á að endurvekja Kvæðamannafélagið Kyrju, sem hér var stofnað fyrir allmörgum árum.
Á myndinni má sjá nokkra þátttakendur á námskeiðinu ásamt Guðrúnu, en því miður náðist ekki að taka mynd af öllum hópnum.