Tónlistarhátíðin Við Djúpið hófst í gær, þriðjudaginn 22.júní. með námskeiðshaldi og opnunartónleikum í Hömrum.
Dagný Arnalds. listrænn stjórnandi hátíðarinnar setti hátíðina í upphafi tónleikanna og ræddi um einstakt mikilvægi og samspil náttúru, mannauðs og tónlistar á Vestfjörðum.
Á tónleikunum léku þau Sif Tuliníus fiðluleikari og Árni Heimir Ingólfsson fjölbreytta og glæsilega dagskrá, verk eftir Prokofief, Biber, Bartók, Brahms og frumfluttu verk eftir Ólaf Óskar Axelsson. Húsfyllir var á tónleikunum og tónleikagestir yfir sig hrifnir af túlkun og tækni þessara frábæru flytjenda.