Skólakór Tónlistarskóla Ísafjarðar vakti athygli á Lokahátíð Nótunnar í Eldborg sunnud. 14.apríl fyrir afburða hreinan og fagran söng, eins og Arna Kristín Einarsdóttir, formaður dómnefndar komst að orði. Kórinn keppti í samleik/samsöng í miðstigi og hlaut að launum eina af 9 viðurkenningum NÓTUNNAR.

Skólinn er skipaður 14 ungmennum á aldrinum 13-20 ára, en 13 þeirra sungu á tónleikunum í gær. Stjórnandi er Bjarney Ingibjörg Gunnlaugsdóttir.

Kórfélagarnir eru:

Agnes Ósk Marzellíusardóttir

Anna Þuríður Sigurðardóttir

Arnheiður Steinþórsdóttir

Áslaug Aðalsteinsdóttir

Birta Rós Þrastardóttir

Brynja Sólrún Árnadóttir

Hekla Hallgrímsdóttir

Hilda María Sigurðardóttir

Katrín Björk Guðjónsdóttir

Kristín Harpa Jónsdóttir

Melkorka Ýr Magnúsdóttir

Pétur Ernir Svavarsson

Sigríður Salvarsdóttir

Sunna Karen Einarsdóttir

Þau stunda öll eða hafa stundað tónlistarnám við Tónlistarskóla Ísafjarðar. Kórinn og félagar hans hafa verið áberandi í tónlistarlífi Ísafjarðar á undanförnum misserum.

 

Kórinn söng verkið GLORIA eftir danska tónskáldið Michael Bojesen, án undirleiks, af miklu öryggi og að sjálfsögðu allt utanbókar.