Svava Rún og Mikolaj – hádegistónleikar 1. nóv. kl. 12
Svava Rún Steingrímsdóttir og Mikolaj Frach eru næst í röðinni í hádegistónleikaröð Tónlistarskólans á afmælisári, í Hömrum miðvikudaginn 1. nóvember kl. 12. Svava Rún tók rytmískt miðpróf hjá Bjarneyju Ingibjörgu og hélt þá dásamlega tónleika sem mörgum eru í fersku minni, en síðan þá hefur hún stundað nám við Listaháskólann. Við erum mjög spennt að heyra hvað hún ætlar að bjóða Ísfirðingum upp á!
Hádegistónleikarnir hafa slegið í gegn, það er upplagt að sækja sér upplyftingu og nærandi stund í Tónlistarskólann í hádegisléi. Tónleikarnir standa aðeins í 25 mínútur og mörgum er því í lófa lagið að nýta sér þessa skemmtilegu viðburði með Ísfirðingunum okkar.
Verið hjartanlega velkomin – aðgangur ókeypis!
![](https://tonis.is/wp-content/uploads/2023/10/IMG_5337-1024x607.jpeg)
Svava Rún Steingrímsdóttir
![](https://tonis.is/wp-content/uploads/2023/08/Mikolaj-mynd.jpeg)
Mikolaj Frach