Peter Máté og Aladár Rácz léku á tveggja flygla tónleikum Tónlistarfélags Ísafjarðar í Hömrum í dag og fóru algerlega á kostum. Áheyrendur fuku annað slagið aftur á bak í sætunum, svo mikill var krafturinn og fingrafimin. Einfaldlega stórkostleg upplifun.
Í sambandi við tónleikana fengum við Peter til að halda tveggja daga masterklass og leiðbeindi hann tólf nemendum skólans. Hann er mjög virtur píanókennari við Listaháskólann, enda var greinilegt að nemendur kunnu að meta þessi forréttindi og við vorum mjög stolt af þeim.
Á myndinni að ofan eru þrír ungverskir píanóleikarar, Aladár, sem fæddur er í Transilvaníu, okkar eina sanna Bea Joó, sem hafði veg og vanda af námskeiðinu og Peter sem fæddur er í Slóvakíu sem var áður hluti af Ungverjalandi.
Aladár Rácz og Peter Máté
Peter, Kolbeinn, Bea, Matilda, Rebekka og Rúna
Peter hlustar á Rebekku spila á masterklass í Hömrum
Aladár, Bea og Peter
Fjör að loknum tónleikum
Martha Kristín Sveinbjörnsdóttir, Hildur Elísabet Pétursdóttir og Steinunn Guðmundsdóttir skála eftir vel heppnaða tónleika