Styrktarsjóður Tónlistarskóla Ísafjarðar gefur að venju út jólakort með ísfirsku myndefni. Oft hafa Ísafjarðarmyndir frá fyrri tíð prýtt kortin og sú er raunin einnig að þessu sinni. Myndin er tekin í Hafnarstræti á fyrri hluta 20.aldar og sjá má Aptótekið og fleiri hús á myndinni. Myndina tók Haraldur Ólafsson en hún er nú í eigu Ljósmyndasafnsins á Ísafirði.

Kortin kosta kr. 180 kr.stk og fást á skrifstofu skólans og víðar. Þessa dagana ganga nemendur í hús til að selja kort og eru velunnarar skólans beðnir að taka hinu unga sölufólki vel og styðja skólann með því að kaupa þessi fallegu kort.