Oliver Rähni

Oliver Rähni

Oliver Rähni fæddist í Kýótó í Japan, árið 2003, sem gerir hann jafnframt að yngsta kennara skólans, aðeins 19 ára að aldri. Hann er sonur eistneskra foreldra, en fjölskyldan flutti frá Kýótó til Íslands, til Lauga í Reykjadal. Laugar er 1132713% minni en Kýótó hvað varðar íbúafjölda. Einnig lækkaði meðalaldur kennara í skólanum um jafn mörg prósent eftir að Oliver kom til starfa. Seinna lá leiðin til Bolungarvíkur, en í víkinni fögru hefur Oliver búið síðan 2010.

Þráin til að skapa eitthvað hefur fylgt Oliver alla tíð. Sem pínulítill snáði byrjaði hann að teikna, og sinnti þeirri iðju alla liðlanga dagana. En með atvinnutónlistarfólk sem foreldra, hljómuðu perlur klassískrar tónlistar oft heima. Þó að hann langaði ekki að læra á hljóðfæri strax sjálfur, fann hann engu að síður að tónlist hafði gríðarleg áhrif á hann. Seinna, áður en hann kunni á píanó, var hann farinn að semja “píanóverk” og eftir að hann lærði á píanó varði hann gjarnan löngum stundum við hljóðfærið og samdi lítil tónverk með innblæstri frá stóru meisturunum. Þar með var ný ástríða kviknuð sem lifir enn.

Þar sem foreldrar hans kenndu á Þingeyri (eitt af útibúum TÍ) og mamma hans í TÍ líka á Oliver þó nokkuð af minningum frá skólanum. T.d. að hafa borðað Cocoa Puffs (Oliver hefur dálæti á sykruðu morgunkorni) í skrifstofu Siggu Ragnars, fyrrverandi skólastjóra, rauða Toyota Corolla skutbílnum hans Jónasar Tómassonar, að hafa lesið barnabækur (ein þeirra var um risaeðlur) uppi í sófa á efri hæðinni, hangið baksviðs í Hömrum, spilað á flyglana í kennslustofum o.s.frv.

Það er mikill fengur fyrir okkur að fá Oliver til starfa í vetur og við bjóðum hann hjartanlega velkominn!