Hópastarf 2020-2021

TÍ – Forskóli fyrir 1.bekk

Kennsla fer fram á föstudögum kl. 13:00-13:40. Kennarar eru Rúna Esradóttir og Sara Sturludóttir.

Meginmarkmið forskóla er að búa nemendur undir hljóðfæranám. Í náminu felst tónlistariðkun með ýmsum aðferðum s.s., söng, hreyfingu, slagverksleik, hlustun og sköpun, lestri og ritun. Meginhugtök tónlistar eru kynnt nemendum, tónhæð, styrkur, áferð, tilfinning og túlkun og margt fleira.

Æskilegt er að börn sem ætla í hljóðfæranám hafi lokið minnst einu ári í forskóla.

Sjá upplýsingar um verð 

 

Tónasmiðja fyrir 2. bekk (ekki kennt skólaárið 2020-2021)

Kennsla fer fram 1x í viku miðvikudögum kl. 13:00-13:40

Kennarar eru Rúna Esradóttir og Sara Sturludóttir.

Meginmarkmið Tónasmiðjunnar er að glæða áhuga barna á tónlist, virkja þau til að greina tóna og áhrif þeirra, efla þau með hlustun, söng, hreyfingu og sköpun, lestri og ritun nótna. Þau fá að kynnast notkun tölva við tónsköpun og einnig möguleikunum við hljóðsetningu. Helstu hljóðfæri verða kynnt og tónlistarfólk fengið til kynninga.

Sjá upplýsingar um verð

 

Barnakór – 1. og 2. bekkur 

á þriðjudögum kl. 13:00-13:40

Kennari er Rachelle Elliott og Rúna Esradóttir

Unnið er með grunnþætti tónlistarinnar í gegnum söng, hlustun og hreyfingu. Lögð er áhersla á að börnin læri einföld en fjölbreytt lög utanað, upplifi ólík blæbrigði tónlistarinnar og þjálfist í að hlusta eftir þeim. Kórinn kemur fram á tónleikum Tónlistarskóla Ísafjarðar og víðar. Sjá upplýsingar um verð

 

Kórskóli – 3. og 4. bekkur

Kennsla fer fram 2x í viku, á þriðjudögum kl. 11:40-12:20 og fimmtudögum kl. 13:50-14:30

Kennari er Rachelle Elliott og Andri Pétur Þrastarson sem er með Rachelle á þriðjudögum.

Í gegnum söng, hlustun og hreyfingu upplifa börnin ólík blæbrigði tónlistarinnar. Grunnhugtök tónfræðinnar eru kynnt til leiks og unnið með raddbeitingu, nótnalestur og raddaðan söng. Kórinn syngur á tónleikum Tónlistarskóla Ísafjarðar og víðar.

Sjá upplýsingar um verð